من اقوال الشــاعر محمد بن سـرحان...

البل تبي مثل بن درعان وامثـاله * ولا انت يا ابو سعد منته بويــاها

البل ترى يوم تشرب فوق محـــــاله * تاخذ نهارين والثالث بمضـــاها

وثلاثة اشهر على الماء مافختوا جاله * وان شافوا سهيل شدوا يم منــداها

وان بكر الوسم شدوا بس تبـــــراله *ولاينزل الا على حروة معشـــــاها

والا نزل شـــــــب وقرب دلالـــه * وحمس على جمر رمثن بس يصلاها

واليوم مغـــــــــار سوداني وجــواله * يصلفق الأوله ويهج فتـــــــلاها

هذه القصيده قالها الشاعر محمد بن مطلق بن سرحان اثناء رحلته الى ايران (شيراز) للمعالجه عندما تذكر المقناص يقول فيها::


محرني احجز واخلي باقي علاجـــي***واخاوي اللي معاقبني بتمرينــــــــه


واطلب كريم مهوب للناس محتاجــي*** اللي لحلقه يبي ياضع موازينـــــه


يامحلا الصبح الا من بان وانباجـي***ليا جوازي هل التفتيش ممضينــــه


نركب على اللي تجي من فوق الامواجي***وبنزينها من ورى حيفامصفينـه


أسبق من اللي اليامن هد ماراجـي ***شاف الحباري بعيد وكدت عينــه


ننحر بلاد(ن)لها الاصدار تنباجـي***لا يابعد شوف شيراز وبساتينــه


وننحرربوع(ن)تذبح سمر الانعاجي***فقيرهم لاخطر كنه على مينــــه


ولالياتعلو على عجلات الأدلاجـي***كم من قطيع(ن)خذوك وجوك شاعينه


يتلون شيخ(ن) دار القوم بواجــــي***يشبع على جرته مومي جناحينـــــه


ورثة شوردي ملاوذ كل محتاجــي***وشداددهم من على الجدان حامينـــه


ادخل وانا عارف(ن)وشلون مخراجي***ولد الحموله ترى ماأهفي موازينــه


يالله بنون لبـــــــراقه تلعاجـــــي***ياخذ اسبوعين ماكفت ودادينـــــــه


يضفي على المملكه من رب الأفراجي***لين الزبيدي يجون البدو جانينـــه

قال الشاعر محمد بن مطلق بن سرحان الرويس في وفاة المرحووم/سعد بن سعودبن جري بن سرحان مدير مكتب نائب إمارة مكة المكرمه عنده وفاته بهذ الأبيــات؛؛

أنا إليـــامنـي بدعت القصيــــــده ^^ حطــيتها للطيبيـــن برفـــــــاعه

تكفون يااللي تكتبون الجريــــــده ^^ أوقـات هاتوها وياأهل الأذاعــه

حيث ان فيهالي معا(ن)مفيــــــده ^^ مثايل(ن)في اللي طويل(ن)ذراعه

لاوالله اللي راح مــنا فقــيـــــــده ^^ جـابه وخـذه اللي يحفظ الوداعــه

سعد سعدنا في الليال الشديــــــده ^^ معه على الصعبات عزم وتباعه

كم واحد(ن)فكه قوي(ن)حديــــده ^^ ماهوب رعديد(ن)عظامه رعاعه

يالله عساه مع النفوس الشهيـــــده ^^ ويشفــع له محمـد نهـارالشفــاعـه

ياالله يامحيـي العظـــام الهميــــده ^^ في جنة الفردوس تبني شراعـــه

النـــاس تفنــي والليالــي جديـــده ^^ وكل(ن)زمانه قدضحك له ولاعه

وعزي لمن حط الردا هورصيده ^^ يشـر الردا والطيب لاسيم باعــــه

بعض العرب لاشدصعب شديــده ^^ وبعض العرب لاشرعين إنقلاعه

الله يجبرنـــا ويجبـــر عضيـــــده ^^ ويجبر عزا يافهيد باقي الجماعه

في إللي حميـت علينــا الحديــــده ^^ يقوم ويحـل الدعــاوي بساعـــــه

الخبل يضحك ميرأناأبكي وليـــده ^^ ياهني من قلبه ليا أصغاه طاعــه

بعض العرب ثوربوسط الحصيده ^^ همــه ترا نومه وهمه متاعـــــه

أصبر ولو أن المكاوي جديــــــده ^^ والله كريم ولا نوى يالقطاعــــه

الله يدبــــــرنا على مايريـــــــــده ^^ ويعينــا لاجيت قبــر مراعـــــه

جرد ولبس له ثيـــاب(ن)جديــده ^^ هذاك علمي به وتالي وداعــــه

الموت حق ودبرة الله حميـــــــده ^^ لاشـك مابي ياجماعــه مناعـــه

خص إلي ماأوحيت ورقاء وحيده ^^ تونس وأنا اونس مثلها سم ساعه

هذه القصيده قالها الشاعر محمد بن مطلق بن سرحان عندما كان في إيران في رحلة معالجه لأخيـه المرحوم خلف بن مطلق بن سرحان يقول فيها;;

ضيق الله دروبك من حمــــــــام ****ضاقت الارض كود اوتيلنـا

لين ذكرتنـــا وقــت الغـــــــــرام**** وقتنا اللي مضى مع جيلنــــا

قدنسيت الهواء لي كم عــــــــام**** لـيـن مريتنـــــــا واشقيتنــــا

مير ابا اقوم لوصعب المقــــام **** يــــوم لسلومكــم رديتنـــــــا

وكل زرع لبــــــده لصـــــرام **** ميــر مـاعـاد ينفع ليتنــــــا

قالوا ارواح معنا الهمــــــــــام**** قلت بسلــوم مخلف دينـــــا

قالوا والله واكبـــر ياســـــــلام**** من بغـــــانا يشـــد يدينـــــا

قلت ودي واخاف من الحــرام**** قالوا الصبح على يعينــــــا

قلت انااخاف من منشى الغمـام**** لونغبــي عرف مابينـــــــا

قالوا الله واكبر لك مــــــــــرام**** بس ساعة زمان الهيتنـــــا

قلت لاخير من كثــر الكــــلام**** مانبي الا سلايــل خيلنــــا

قالوا ارواح معنا اليوم شـــــام**** في تبيس جديد(ن) يشيلنـا

وماطلبتــه بخيبــه بالتمـــــــام**** ولا نطـاوع كلام بخيلنـــــا

قلت انا مشتهي الماء والطعام**** ميــر يــابنت لاتشقيــنــــا

ثم صلوا على سيد الانــــام **** عــدد وابل النهـاروليلنــــا